նախընտրելի դարձնել
Չինաստանն ու Բելառուսը մտադիր են զարգացնել ռազմատեխնիկական համագործակցությունը։
Համապատասխան պայմանավորվածություններ են ձեռք բերել Բելառուսի պաշտպանության նախարար Վիկտոր Խրենինը և Չինաստանի Կենտրոնական ռազմական խորհրդի փոխնախագահ Չժան Յուսը ՉԺՀ-ում կայացած հանդիպման ժամանակ, հայտնում է Բելառուսի ՊՆ-ն։
Կողմերը պայմանավորվել են.
երկկողմ ռազմական և ռազմատեխնիկական համագործակցության զարգացման «ճանապարհային քարտեզի» մշակման մասին.
զինվորական անձնակազմի համատեղ վերապատրաստման մասին.
Չինաստանի ժողովրդական ազատագրական բանակի թիմերի մասնակցության մասին Միջազգային բանակային խաղերի մրցումներին, որոնք նախատեսվում է անցկացնել Բելառուսի տարածքում.
ռազմական անձնակազմի պատրաստման ոլորտում համագործակցության մասին.
ՄԱԿ-ի հովանու ներքո խաղաղության և միջազգային անվտանգության պահպանմանն ուղղված միջոցառումներին համատեղ մասնակցության մասին։
