Եվրահանձնաժողովի մամուլի ծառայությունը սուր քննադատության ֆոնին, որը վերջին շաբաթներին հետապնդում էր եվրոպական այս կառույցի ղեկավար Ուրսուլա ֆոն դեր Լեյենին՝ կապված պաղեստինա-իսրայելական հակամարտության վերաբերյալ նրա հայտարարությունների հետ, ժամանակավորապես հրաժարվեց պատասխանել նրա հետ կապվախ «քաղաքական հարցեր»-ին՝ այս որոշումը բացատրելով Արևմտյան Բալկանների երկրներ ֆոն դեր Լեյենի ուղևորության և «մամուլի ծառայության սահմանափակ կազմի» հետ, գրում է РИА Новости-ն։

«Մի փոքր տեխնիկական հայտարարություն. քանի որ Եվրահանձնաժողովի ղեկավարն ուղևորության մեջ է և նրա ուղեկցում պատվիրակություն է ուղեկցում, Եվրահանձնաժողովի և մամուլի ծառայության անդամների թիվը կրճատվել է, ուստի մենք չենք կարողանա պատասխանել Եվրահանձնաժողովի նախագահի հետ կապված քաղաքական հարցերին»,- ասել է ԵՀ խոսնակ Ստեֆան Բրյուսել դե Կիրսմաքերը՝ Բրյուսելում կայացած ճեպազրույցում։

Պատասխանելով լրագրողների ճշտող հարցին, թե ինչու է նման որոշում կայացվել՝ հաշվի առնելով աշխարհում տեղի ունեցող իրադարձությունների կարևորությունը, որոնց վերաբերյալ ԶԼՄ ներկայացուցիչները կցանկանային իմանալ Եվրահանձնաժողովի ղեկավարի դիրքորոշումը, հանձնաժողովից պարզաբանեցին, որ «գագաթնաժողովի ընթացքում (հոկտեմբերի 26-27 – խմբ.) քննարկվեցին շատ կարևոր քաղաքական հարցեր, որին մասնակցում էր Եվրահանձնաժողովի նախագահը, ապա եղան հայտարարություններ և մամուլի ասուլիս, որին ֆոն դեր Լեյենը նույնպես խոսեց շատ կարևոր քաղաքական հարցերի մասին»։«Ես չեմ կարող որևէ բան ավելացնել այս հայտարարություններին, որոնք արդեն արվել են, ես չեմ կարող մեկնաբանել այդ հայտարարությունները», - եզրափակեց Կիրսմաքերը:

ԵՀ ղեկավարն այս պահին Արեւմտյան Բալկաններով  շրջագայության մեջ է։ Նրա ճանապարհորդությունն ավարտվում է չորեքշաբթի։