Նոր Նորք վարչական շրջանում Տորք Անգեղի արձանի հարակից գոտին կվերածվի բացառիկ զբոսավայրի: Առաջին փուլի աշխատանքներն արդեն ավարտվել են, հաջորդ տարեսկզբից կմեկնարկի նախագծի երկրորդ փուլը: Այս մասին նշվել է այսօր՝ դեկտեմբերի 25-ին, Երեւանի քաղաքապետարանի հերթական գործակարգավարական խորհրդակցության ժամանակ:

Բացի այդ, ամբողջությամբ ավարտվել է Մինաս Ավետիսյանի պուրակի հիմնանորոգման ծրագիրը. բնակիչների հանգստի համար ստեղծվել են հարմարավետ պայմաններ: 

«Մենք այգիները կառուցապատելու քաղաքականությունից անցել ենք ավելի կանաչապատելու և բարեկարգ դարձնելու քաղաքականությանը: Այգիների բարեկարգման համար 2023թ. աննախադեպ տարի է եղել, և 2024 թվականին պետք է էլ ավելի մեծ ծավալի աշխատանք կատարենք»,- նշել է Տիգրան Ավինյանը: