նախընտրելի դարձնելՊաշտոնից հեռանալու զեկուցագրեր են ներկայացրել ոստիկանության «Զվարթնոց» օդանավակայանի գծային բաժնի պետ, ոստիկանության գնդապետ «Շերիֆ» մականունով Կարեն Բաբայանը, նաեւ Ոստիկանության Երեւանի քաղաքային վարչության ծառայության պետ, «Գլեբ» մականունով Արմեն Հակոբյանը, ով հայտնի է ընդդիմության հանրահավաքներ ցրելու գործում մեծ դերակատարմամբ:
Այդ տեղեկատվությունը NEWS.am-ի թղթակցի հետ զրույցում հաստատեց ՀՀ ոստիկանության հասարակայնության հետ կապի եւ լրատվության վարչության պետ Աշոտ Ահարոնյանը:
Նշենք, որ այդ զեկուցագրերը ներկայացվել են Հայաստանի ոստիականապետի պաշտոնում Վլադիմիր Գասպարյանի նշանակումից հետո:
Հիշեցնենք, որ վերը նշված անձինք, կամ նրանց թիմը ոստիկանական համակարգից հեռացել է Վլադիմիր Գասպարյանի հետ նախկինում ունեցած անձնական տարաձայնությունների պատճռով:
«Շերիֆը» ժամանակին ռազմական ոստիկանության մեկ այլ հայտնի աշխատակցի՝ «Լիդերի» հետ, Վլադիմիր Գասպարյանին իրենց հավատարմությունն ապացուցելու համար կտրել էին իրենց ճկույթները, սակայն անգամ դա չէր երաշխավորել նրանց նորմալ հարաբերությունները:
Այդ պաշտոնյաները լավ իմանալով, որ իրենց համակարգում մնալն անհնար է Վլադիմիր Գասպարյանի օրոք, որոշել են ինքնակամ հեռանալ:
