նախընտրելի դարձնելՉինաստանում համացանցից օգտվողները Twitter եւ այլ սոցցանցերում իրենց մերկ նկարներն են տեղադրում` ի պաշտպանություն չինացի գեղանկարիչ Այ Վեյվեյի, ում, Ժաո Ժաո լուսանկարչի հետ միասին, չինական իշխանությունները մեղադրում են «պոռնոգրաֆիա տարածելու մեջ»:
«Մերկ ակցիան» նախաձեռնվել էր, երբ նոյեմբերի 17-ին պեկինյան ոստիկանությունը հարցաքննել էր նախորդ տարվա օգոստոսին մերկ Այ Վեյվեյին չորս մերկ կանանց հետ լուսանկարած Ժաո Ժաոյին:
Այ Վեյվեյն ինքը Reuters գործակալությանը տված հարցազրույցում հայտնել էր, որ այդ նկարը խոր քաղաքական ենթատեքստ չուներ, արվել էր, որպեսզի «ազատվի վախից եւ մեկուսացվածության զգացումից»:
Այժմ Չինաստանի կանայք եւ տղամարդիկ մերկանում են, որպեսզի ապացուցեն, որ մերկ մարմինը պարտադիր չէ, որ պոռնոգրաֆիա լինի, գրում է NEWSru Israel-ը: Նուդիստական ակցիան համացանցում անց է կացվում «Այ Վեյվեյի երկրպագուները մերկանում են: Ուշադրություն, Չինաստանի կառավարություն, մերկությունը պոռնոգրաֆիա չէ» կարգախոսով:
Գեղանկարիչ եւ իրավունքների պաշտպան Այ Վեյվեյի եւ չինական իշխանությունների հարաբերությունները լարված են ոչ միայն բարոյականության, այլեւ բիզնեսի բնագավառում: Ավելի վաղ նա 80 օր բանտում է անցկացրել հարկերից խուսափելու մեղադրանքով: Վեյվեյը ստիպված է եղել վճարել 1,3 մլն դոլար, որը, ըստ նկարչի, օգնել են հավաքել իր կողմնակիցները: Գրավը վճարելով` նա հայտարարել էր, որ եթե կես տարի առաջ իրեն «պատանդ» էր զգում, ապա այժմ իրեն «կողոպտված» է զգում:
