նախընտրելի դարձնել
Ռուսաստանի Օդատիեզերական ուժերի Սու-34 ինքնաթիռը կործանվել է Հյուսիսային Օսիայի լեռներում՝ պլանային ուսումնամարզական թռիչք կատարելիս, անձնակազմը զոհվել է։ Այս մասին տեղեկացրել են ՌԴ պաշտպանության նախարարությունում։
«Հյուսիսային Օսիայի Հանրապետություն-Ալանիայում, լեռնային տեղանքում, պլանային ուսումնամարզական թռիչք կատարելիս կործանվել է Ռուսաստանի ՕՏՈւ Սու-34 ինքնաթիռը։ Ինքնաթիռն ընկել է ամայի տեղանքում։ Հողի վրա ավերածություններ չկան։ Անձնակազմը զոհվել է»,- տեղեկացրել են գերատեսչությունում։
«Ավիավթարի նախնական պատճառը տեխնիկական անսարքությունն է։ Ինքնաթիռի անկման վայր է ժամանել ՕՏՈւ հանձնաժողովը»,- նշել են այնտեղ։
