նախընտրելի դարձնել
Ադրբեջանը Հայաստանին հրավիրել է COP29 կլիմայական գագաթնաժողովին, ասել է Ադրբեջանի նախագահի օգնական, Ալիևի վարչակազմի արտաքին քաղաքականության բաժնի ղեկավար Հիքմեթ Հաջիևը, հաղորդում է The National-ը։
Ըստ Հաջիևի, Հայաստանին հրավեր է ուղարկվել։
«Սա առաջին անգամ ասում եմ... միջազգային լրատվամիջոցներին»,- ասել է նա օկուպացված Շուշիում կայացած «մեդիաֆորումում»:
«(COP29-ի նախագահ նշնակված) Մուխթար Բաբաևը... հրավերի նամակ է ուղարկել Հայաստանի արտաքին գործերի նախարարին։ Մենք պաշտոնական հրավեր ենք ուղարկել»,- ասել է նա։
Հաջիևի կարծիքով, պաշտոնական դիվանագիտական հարաբերությունների բացակայության պայմաններում այս հրավերն ուղարկելը «Ադրբեջանի բարի կամքի և նրա «ներառական մոտեցման» դրսևորում է»։
Հաջիևը հավելել է, որ COP29-ը համաշխարհային իրադարձություն է, և «կարևորագույն բանակցությունները դուրս են Հայաստանի և Ադրբեջանի սահմաններից»։
Նա ասել է, որ չգիտի՝ «արդյո՞ք նախագահի հետ շփումը կօգնի դուրս գալ փակուղուց, բայց հայտարարել է, որ COP-ը վերաբերում է բոլորին»:
«Հիմա ժամանակն է, որ Հայաստանի կառավարությունը որոշում կայացնի»,- ասել է Հաջիևը։
