նախընտրելի դարձնել
2025 թվականի հունվարի 1-ից պետական գնումների ժամանակ կկիրառվի «երկրորդն ավելորդ է» կանոնը. ներկրվող դեղերը կբացառվեն մրցույթից, եթե թեկուզ մեկ հայտ ստացվի ռուսաստանյան մատակարարից, նշված է ֆինանսների նախարարության պատրաստած կառավարության որոշման նախագծում։
Ներմուծման սահմանափակումները կանդրադառնան ավելի քան 400 տեսակի դեղամիջոցների և բժշկական ապրանքների՝ վիրակապի թանզիֆից մինչև տոմոգրաֆի սարքավորում, ասված է իրավական ակտերի պորտալում զետեղված փաստաթղթում։
Կառավարության նախագծի ներկայիս տարբերակում իրավիճակին ծանոթ աղբյուրը «Фармвестник»-ին հայտնել է «երկրորդն ավելորդ է» կանոնի «առավելագույնս խիստ» տարբերակը։ Եթե ի սկզբանե նախատեսվում էր ներմուծման սահմանափակումներ մտցնել միայն ռազմավարական նշանակություն ունեցող դեղերի համար ( 215 անուն դեղորայք), ապա այժմ՝ բոլոր դեղերի, ներառյալ՝ կենսական նշանակություն ունեցող դեղերի ցանկի դեղերի համար:
Հիվանդների բուժման ավելի քան 800 դեղամիջոց ընդգրկող բուն կենսական նշանակության դեղերի ցանկը՝ անվճար բժշկական օգնության պետական երաշխիքային ծրագրի շրջանակում, առաջնահերթության կարգով կհամալրվի նաև Ռուսաստանում արտադրվող դեղամիջոցներով։ Համապատասխան որոշումը կառավարությունը հավանություն է տվել հուլիսի վերջին։
Ներմուծման նմանատիպ սահմանափակումները, ըստ որոշման, կտարածվեն 14 թանկարժեք նոսոլոգիաների ծրագրով նախատեսված թանկարժեք դեղերի ցանկի վրա։ Դրանք կիրառվում են հեմոֆիլիայով, կիստիկական ֆիբրոզով, մուկովիսցիդոզով, մակուղեղային թզուկությամբ, Գոշեի հիվանդությամբ, ցրված սկլերոզով, հեմոլիտիկ-ուրեմիկ համախտանիշով, I, II և VI տիպի մուկոպոլիսախարիդոզով և այլ հիվանդություններով հիվանդների բուժման համար։
Թեև արևմտյան պատժամիջոցներն ուղղակիորեն չեն ազդել Ռուսաստան դեղերի մատակարարման վրա, առնվազն 28 արտասահմանյան դեղագործական ընկերություններ ամբողջությամբ լքել են ռուսական շուկան, և ռուսական դեղատներում ներմուծվող դեղերի տեսականին սկսել է սրընթաց նվազել:
2023 թվականին դեղատների դարակներից անհետացել է 1,3 հազար անուն արտասահմանյան դեղամիջոց, և դրանց ընդհանուր տեսականին կրճատվել է 20 տոկոսով՝ մինչև 6,4 հազար անուն դեղորայք։ DSM Group-ի հաշվարկներով՝ նախապատերազմյան մակարդակների համեմատ, ներմուծվող յուրաքանչյուր երրորդ դեղն անհետացել է շուկայից։ Ռուսաստան ներկրվող դեղերի ընդհանուր մատակարարումը նախորդ տարի կրճատվել է 9%-ով՝ հասնելով 1,7 միլիարդ փաթեթի, իսկ առանձին դեղերի, դրանց թվում՝ հիմնական պենիցիլինային հակաբիոտիկների շարքի դեղորայքի անկումը կրկնապատկվել է։
