նախընտրելի դարձնելՀՅԴ խմբակցությունն առայժմ չի որոշել` խորհրդարանի խոսնակի թեկնածուներից ում է սատարելու: Այս մասին NEWS.am-ի թղթակցին հայտնել է Հայաստանի Ազգային ժողովի ՀՅԴ խմբակցության պատգամավոր Արտյուշա Շահբազյանը:
«Դժվար է ասել, մենք դեռ չենք կողմնորոշվել», – ասել է նա խորհրդարանի միջանցքում: Պատասխանելով հարցին, թե արդյոք Դաշնակցությանը ձեռնտու է «Ժառանգություն» խմբակցության թեկնածու Լարիսա Ալավերդյանի թեկնածությունը, Շահբազյանը նշել է. «Ժամանակ է պետք»:
Հիշեցնենք, որ խոսնակի երկու թեկնածուներ են առաջադրված` Հայաստանի իշխող կուսակցությունից Սամվել Նիկոյանը եւ ընդդիմադիր «Ժառանգություն» կուսակցությունից` Լարիսա Ալավերդյանը: Խորհրդարանի խոսնակի ընտրությունները կկայանան դեկտեմբերի 6-ին:
