նախընտրելի դարձնել
Զինված մարդիկ բեռնատարով մոտեցել են Մեքսիկայի կենտրոնական նահանգում գտնվող բարին և կրակ բացել, ինչի հետևանքով, տեղական իշխանությունների հայտարարության համաձայն, 10 մարդ է զոհվել, հայտնում է AFP-ն։
Քաղաքի հասարակական անվտանգության վարչության ղեկավար Խուան Լուիս Ֆերուսկայի հաղորդմամբ, Կերետարոյի կենտրոնում գտնվող «Los Cantaritos» բարի վրա հարձակման հետևանքով նաև առնվազն յոթ մարդ է վիրավորվել:
«Արտակարգ ծառայությունները ժամանել են դեպքի վայր և հաստատել, որ երկարափող հրացաններով զինված առնվազն չորս մարդ է ժամանել պիկապով», - հայտնել է Ֆերուսկան:
Մեկ կասկածյալ ձերբակալվել է, իսկ հարձակման համար օգտագործված մեքենան հայտնաբերվել է լքված և հրկիզված, ասել է նա։ Կերետարոյի նահանգի դատախազության տվյալներով, զոհերի թվում երեք կին կա։ Դատաբժշկական փորձագետները զննում են հարձակման վայրն ու մեքենան։
Կերետարոն՝ Կերետարո նահանգի մայրաքաղաքը, համարվում է թմրակարտելների հետ կապված բռնություններից տառապող Մեքսիկայի ամենաանվտանգ քաղաքներից մեկը։
Գտնվելով Մեխիկոյից մոտավորապես 200 կիլոմետր հյուսիսարևմուտք, այն հայտնի է իր իսպանական գաղութային ճարտարապետությամբ:
