նախընտրելի դարձնելԴեկտեմբերի 10-ից ուժի մեջ է մտնում Վրաստանի եւ Թուրքիայի միջեւ վիզային ռեժիմը պարզեցնող արձանագրությունը:
Ինչպես լրագրողներին հայտնել է Վրաստանի փոխարտգործնախարար Նինո Կալանդաձեն, այսօրվանից ուժի մեջ կմտնի 2011թ. մայիսին Սարպիում ստորագրված` Վրաստանի եւ Թուրքիայի միջեւ վիզային ռեժիմի մասին 1996թ. ապրիլին ստորագրված համաձայնագրում փոփոխություններ կատարելու մասին արձանագրությունը:
Նա պարզաբանել է, որ Վրաստանի այն քաղաքացիները, որոնք ունեն երկլեզու նոր էլեկտրոնային անձնագրեր, կարող են ազատորեն հատել վրաց-թուրքական սահմանը: Նոր կարգով սահմանը կարող են հատել նաեւ ծառայողական փաստաթղթեր ունեցող քաղաքացիները, հաղորդում է «Գրուզիա- Online»-ը:
