ԱՄՆ պետքարտուղար Էնթոնի Բլինքենը հնարավոր է համարում արդյունավետ շփումները Ռուսաստանի հետ՝ ուկրաինական ճգնաժամի կարգավորման հարցում՝ Վաշինգտոնում նախագահ Թրամփի իշխանության գալուց հետո։ Նա այս հայտարարությունն արել է Նյու Յորքում՝ ելույթ ունենալով Միջազգային հարաբերությունների խորհրդում։

Նա կրկնել է թեզն այն մասին, որ Ռուսաստանն իբր պատրաստակամություն չի ցուցաբերել Ուկրաինայի ճգնաժամի կարգավորման հարցում հեռացող ամերիկյան վարչակազմի հետ։ «Իսկ հիմա, գուցե, եկել է պահը, երբ այդ քննարկումը ավելի արդյունավետ կլինի։ Հուսով եմ, որ այդպես էլ կա»,- ասել է նա։

Նա նշել է, որ Վաշինգտոնը Մոսկվայի հետ շփումներ ունի բանտարկյալների փոխանակման, միջուկային զենքի կիրառման հնարավորության, տիեզերքի ռազմականացման, ինչպես նաեւ ՌԴ-ի եւ ԱՄՆ-ի միջեւ Սիրիայում դեկոնֆլիկտինգի հարցերում։

«Ես կարծում եմ, որ լավ կլիներ վերադառնալ այն վիճակին, որտեղ մենք կարող ենք աջակցել արդյունավետ քննարկմանը»,- ասել է Բլինքենը՝ կարծիք հայտնելով, որ «շատ բան կախված է ՌԴ ղեկավարության պատրաստակամությունից»։  Վաշինգտոնը «կլիներ առաջինը, որը շփման կգնար» ՌԴ-ի հետ, եթե Մոսկվան «պատրաստակամ լիներ լուրջ քննարկման հարցում»։ «Ցավոք, մեր ունեցած տեղեկությունը նշում է այն մասին, որ նրանք լրջորեն տրամադրված չեն եղել եւ դա ժամանակի իզուր վատնում էր»,- նշել է Բլինքենը՝ ավելացնելով, որ ինքն իբր «ամենից շատ կցանկանար ունենալ այդ շփումներն իրականացնելու հնարավորությունը»։