Նախընտրելի
Չնայած հնագույն պտերոզավրերն անհետացել են միլիոնավոր տարիներ առաջ, նրանց ոսկրային կառուցվածքը կարող է հիմք հանդիսանալ ինքնաթիռների ժամանակակից նյութերի համար: Նրանց որոշ տեսակների թեւերի բացվածքը հասել է 11 մետրի, ինչը նրանց դարձնում է բոլոր ժամանակների ամենամեծ թռչող կենդանիները։ Միաժամանակ պտերոզավրերն ունեցել են թեւերի թեթեւ եւ ամուր ոսկորներ, հայտնել է «Տեխկուլտը»։ Ուսումնասիրելով դրանք՝ գիտնականները հայտնաբերել են, թե ինչպես օգտագործել դրանց դիզայնը ժամանակակից օդանավեր ստեղծելու համար:
Ռենտգենյան տոմոգրաֆիայի միջոցով իրականացված հետազոտությունները ցույց են տվել, որ նրանց ոսկորների «կոշտ» հատվածներն իրականում պարունակել են փոքրիկ ուղիներ, որոնք կարեւոր դեր են խաղացել ոսկրային հյուսվածքի սնուցման եւ ճաքերի տարածումը կանխելու գործում: Գիտնականները պարզել են, որ դրանք նաեւ կանխում են ճաքերի թափանցումը ոսկորների մեջ:
Եթե ոսկորի մակերեսին միկրոճաք առաջանա, այն կհասնի միայն առաջին ալիքին, որը կկանգնեցնի այն։ Եվ մակերեսի փոքրիկ ճեղքը շատ արագ կբուժվի: Մանչեսթերի համալսարանի գիտնականները կարծում են, որ օդատիեզերական նյութերում նման միկրոկառուցվածքների կրկնօրինակումը ժամանակակից ինքնաթիռների համար ավելի թեթեւ եւ ամուր բաղադրիչներ կստեղծի:
