նախընտրելի դարձնել
Իսրայելը ծրագրում է վերսկսել ռազմական գործողությունները Գազայի հատվածում՝ որպես վերջին միջոց, եթե արմատական պաղեստինյան ՀԱՄԱՍ շարժումը հրաժարվի երկարաձգել հրադադարի համաձայնագրի առաջին փուլը եւ բոլոր պատանդներին ազատ արձակել։ Այս մասին հայտնել է Kan պետականհեռուստառադիոընկերությունը։
Նրա տվյալներով՝ իսրայելական կողմը մտադիր է աստիճանաբար մեծացնել ճնշումը ՀԱՄԱՍ-ի վրա՝ ի լրումն այդ հատված մարդասիրական օգնության մուտքի դադարեցման։ Իսրայելը կարող է ավելի ուշ կրկին հայտարարել Գազայի բնակչության հյուսիսից հարավ տարհանման մասին եւ անհրաժեշտության դեպքում ամբողջությամբ դադարեցնել էլեկտրաէներգիայի մատակարարումը պաղեստինյան անկլավին։
Նախատեսված վերջին միջոցը ԱՄՆ-ի կողմից մատակարարվող ավելի ծանր զինատեսակներով պայքարի վերադարձն է, նշել է Kan-ը:
Հունվարի կեսերին Իսրայելը եւ ՀԱՄԱՍ շարժումը Եգիպտոսի, Կատարի եւ ԱՄՆ միջնորդությամբ պայմանավորվել են Գազայում հրադադար մտցնել, որն ուժի մեջ է մտել հունվարի 19-ին։ Պայմանագրի իրականացման առաջին փուլն ավարտվել է մարտի 1-ին 42 օրում, Գազայի հատվածից Իսրայել են վերադարձվել 33 պատանդներ։ Դրա դիմաց հրեական պետությունը բանտից ազատել է ավելի քան 15 00 պաղեստինցիների, նրանցից մի քանիսը վտարվել են պաղեստինյան տարածքներից դուրս։
