ԱՄՆ պետքարտուղար Մարկո Ռուբիոն և Իսրայելի վարչապետ Բենիամին Նեթանյահուն կիրակի հեռախոսով քննարկել են Գազայի հատվածում հրեական պետության վերսկսված ռազմական գործողությունները։ Այս մասին գրավոր հայտարարության մեջ ասված է Պետդեպարտամենտի մամուլի ծառայության ղեկավար Թեմմի Բրյուսի կողմից։

Նրա խոսքով, Պետդեպարտամենտի ղեկավարը վարչապետի հետ զրույցում «ընդգծել է, որ ԱՄՆ-ն աջակցում է Իսրայելին»։ Ռուբիոն «քննարկել է Գազայում Իսրայելի շարունակվող ռազմական գործողությունները, ինչպես նաև պատանդներին ազատելու և իրենց հայրենիք վերադարձնելու ջանքերը»։ Նա նաև նշել է, որ Վաշինգտոնի «վարչակազմը հավատարիմ է Կարմիր ծովում ազատ նավարկությունը վերականգնելուն՝ Եմենի Անսար Ալլահ ապստամբների շարժման Իրանի կողմից աջակցվող հութիների դեմ ռազմական գործողությունների միջոցով»:

Ինչպես ավելի վաղ հայտնել էր հրեական պետության կառավարության ղեկավարի գրասենյակը, Ռուբիոն և Նեթանյահուն քննարկել են իրավիճակը Մերձավոր Արևելքում, այդ թվում՝ Գազայի հատվածում պահվող իսրայելցի պատանդների հետ կապված իրավիճակը։