նախընտրելի դարձնել
Թուրքիայի նախագահ Ռեջեփ Թայիփ Էրդողանի վարչակազմը հերքել է մի շարք ընդդիմադիր քաղաքական գործիչների պնդումները, թե, իբր, հանրապետության խորհրդարանի անդամներին գաղտնալսում են։
«Այն պնդումը, որ «խորհրդարանը գաղտնալսվում է, մենք բոլորս գաղտնալսվում ենք», իրականությանը չի համապատասխանում։ Քրեական դատավարության օրենսգրքի 135-րդ հոդվածի համաձայն՝ հաղորդակցությունների գաղտնալսումը կարող է իրականացվել միայն դատավորի որոշմամբ՝ «հետաքննության կամ հետապնդման տակ գտնվող անձանց նկատմամբ»՝ կատալոգում նշված հանցագործությունների շրջանակներում», - ասվում է Թուրքիայի նախագահականի հաղորդակցության վարչության դեզինֆորմացիայի դեմ պայքարի կենտրոնի հայտարարության մեջ։
Փաստաթղթում նշվում է հեռախոսազրույցների գաղտնալսման վերաբերյալ որոշումներ կայացնելու ընթացակարգը։
«Հաղորդակցությունների գաղտնալսման որոշումներն ուղարկվում են Տեղեկատվական և հաղորդակցական տեխնոլոգիաների վարչություն (ICTA), որտեղ դրանք քննարկվում են, և բողոքարկվում են հաղորդակցությունների գաղտնալսման վերաբերյալ ցանկացած որոշում, որը հակասում է ընթացակարգին և օրենքին: Քրեական դատավարության օրենսգրքի 135-րդ հոդվածում թվարկված հանցագործությունների համար հետաքննության կամ քրեական հետապնդման տակ չգտնվող անձինք չեն գաղտնալսվում», - ասվում է հայտարարության մեջ:
Կենտրոնը կոչ է արել չվստահել չհաստատված տեղեկատվությանը։
«Մի՛ հիմնվեք անհիմն պնդումների վրա», - եզրափակել է կենտրոնը։
