ԱՄՆ նախագահ Դոնալդ Թրամփը խիստ վրդովվել է ABC News-ի լրագրող Մարթա Ռադացի հարցից այն մասին, թե ինչ դեր է խաղացել ինքը նոր Հռոմի պապ Լևոն XIV-ի ընտրության գործընթացում։ Այս մասին նա գրել է The Truth սոցիալական ցանցում։

Քաղաքական գործչի կարծիքով այս հարցը ծագել է ոչ մի տեղից, այլ «Թրամփով տարված մտքում»։

Թրամփը նաև հիշեցրել է, որ ԱՄՆ տարբեր շրջաններում նախագահական ընտրությունների ժամանակ կաթոլիկները նրան մեծ թվով ձայներ են տվել (54% - խմբ.):

Ավելի վաղ Թրամփը ամերիկացու ընտրությունը որպես նոր Հռոմի պապ անվանել էր «մեծ պատիվ» Միացյալ Նահանգների համար։ Դրանից կարճ ժամանակ առաջ նախագահը սոցիալական ցանցերում հրապարակել էր իր լուսանկարները՝ պապական զգեստով, ինչը քննադատության արժանացավ Վատիկանի կողմից։

Պրևոստը դարձել է 267-րդ պապը՝ Կոնկլավում կարդինալների քվեարկության արդյունքում։ Նա առաջին ամերիկացին է, որը ղեկավարում է Սուրբ Աթոռը։

Լևոն XIV-ի նախորդը՝ Ֆրանցիսկոսը (Խորխե Մարիո Բերգոլիո), մահացել է 2025 թվականի ապրիլի 21-ին՝ երկարատև հիվանդությունից հետո։ Հռոմի պապը 88 տարեկան էր։ 2013 թվականին նա փոխարինեց Բենեդիկտոս XVI-ին, ով հրաժարվեց գահից առողջական խնդիրների պատճառով։