ՆախընտրելիԱՄՆ-ում հունվարի 9-ին նշել են ծիրանի ազգային օրը:
Ինչպես տեղեկացնում է ամերիկյան CNN հեռուստաալիքը, ծիրանը աճեցվել է դեռեւս նախապատմական դարաշրջանում, հին Հայաստանում, որտեղ էլ այն, ենթադրվում է, հայտնվել է առաջին անգամ:
Այլ աղբյուրներ հավաստում են, որ ծիրանի հնարավոր հայրենիք կարող են լինել Չինաստանն ու Հնդկաստանը, սակայն Հայաստանը շարունակում է պնդել, որ հենց ինքն է այդ հյութեղ պտղի հայրենիքը, ասվում է տեղեկությունում:
Նշենք, որ կորիզավոր մրգերից ծիրանն ամենաօգտակար միրգն է համարվում: Գիտնականները պարզել են, որ այն չափազանց օգտակար է մարսողության, սիրտ-անոթային համակարգի համար, ինչպես նաեւ պաշտպանում է քաղցկեղի որոշ տեսակներից:
Ծիրանի բաղադրությունում առկա են արծաթ, երկաթ, հանքային աղեր, ինսուլին եւ А, В եւ С վիտամիններ, ինչպես նաեւ կիտրոնաթթու, սալիցիլաթթու, գինու եւ խնձորի թթու:
Հայաստանը ծիրան արտահանող երկրներից է: Գյուղատնտեսության նախարարության տվյալներով` 2011թ. առաջին 9 ամիսներին ծիրանի արտահանման ծավալը կազմել է 7,3 հազար տոննա:
