Վրաստանում ԱՄՆ դեսպան Ռոբին Դանիգանը հայտարարությամբ է հանդես եկել, որում հայտնել է իր հրաժարականի մասին։

«Միացյալ Նահանգներում 33 տարի դիվանագետ աշխատելուց հետո ես հրաժարական տալու անձնական որոշում եմ կայացրել։ Վրաստանում ԱՄՆ դեսպանի աշխատանքը իմ ողջ կարիերայի ընթացքում ամենամեծ պատիվն ու արտոնությունն է եղել, և ես միշտ կհպարտանամ այն աշխատանքով, որ կատարել է ԱՄՆ կառավարության հիանալի թիմը Վաշինգտոնում և այստեղ՝ Թբիլիսիի ԱՄՆ դեսպանատանը, մեր ժողովուրդների և երկրների միջև գործընկերության առաջխաղացման համար», - նշվում է Դանիգանի հայտարարության մեջ։

Ըստ նրա, սա զուտ անձնական որոշում է, և ԱՄՆ կառավարությունը չի խնդրել նրան վերադառնալ հայրենիք։

«Այսօր ես առավել քան երբևէ վստահ եմ, որ այն հիմնարար արժեքները, որոնք կապում են ամերիկացիներին և վրացիներին, կապահովեն մեր հատուկ գործընկերության և բարեկամության պահպանումը։ Ես կշարունակեմ ջանասիրաբար աշխատել մեր կապերի ամրապնդման ուղղությամբ՝ մինչև հուլիսին իմ մեկնումը», - հավելել է ամերիկացի դեսպանը։