նախընտրելի դարձնել
ԱՄՆ պետդեպարտամենտը որոշել է օգտագործել StateChat-ը՝ արհեստականբանականությամբ աշխատող ծառայողական չաթբոտը, գնահատման հանձնաժողովների անդամներին ընտրելու համար, որոնք որոշում են պաշտոնի բարձրացումը կամ կադրային փոփոխությունները։ Այս մասին տեղեկացրել է Reuters-ը՝ հղում կատարելով փաստաթղթերին։
Պայմանների համաձայն՝ StateChat-ը, որն օգտագործում է Palantir-ի եւ Microsoft-ի տեխնոլոգիաները, «անաչառորեն կընտրի» արտաքին ծառայության աշխատակիցներին՝ տարեկան գնահատման հանձնաժողովներում ծառայելու համար, որոնք որոշելու են, թե «ինչպես առաջ մղեն կամ վերադասավորեն պետդեպարտամենտը»։ Ինչպես նշել է արտաքին քաղաքական գերատեսչության ներկայացուցիչը, կադրային հարցերի վերաբերյալ որոշումները «չեն կայացվի արհեստական բանականության օգնությամբ»։
Պետդեպարտամենտը StateChat-ն օգտագործում է անցյալ տարվանից՝ գրառումները վերծանելու, էլեկտրոնային նամակներ կազմելու եւ դիվանագիտական հեռագրերը վերլուծելու համար: Պետդեպարտամենտի խոսնակը նշել է, որ չաթբոտն ունի մոտ 40 հազար օգտատեր:
