Նախընտրելի
Թուրքիայի նախագահ Էրդողանը հայտարարել է, որ Թրամփի հետ քննարկել է F-35 կործանիչների՝ Անկարային փոխանցման հարցը, հաղորդում են թուրքական լրատվամիջոցները։
Նա նշել է, որ ԱՄՆ նախագահը դրական վերաբերմունք է ցուցաբերել այս հարցի վերաբերյալ։ «Մենք Թրամփի հետ հանդիպման ժամանակ չենք քննարկել С-400-ի հարցը։ Այս հարցը մեզ համար փակված է»,- շեշտել է Էրդողանը։
Նա հավելել է, որ Թուրքիան շարունակում է բանակցությունները Մեծ Բրիտանիայի և Գերմանիայի հետ Eurofighter կործանիչների գնման վերաբերյալ, և այս գործընթացում նույնպես կան դրական զարգացումներ։
Ըստ Էրդողանի՝ Ուկրաինայում հակամարտությունն ունեցել է տարածաշրջանային և գլոբալ հետևանքներ, հնարավորություն է բացվել Ռուսաստանի և Ուկրաինայի միջև հրադադարի և երկարատև խաղաղության հասնելու, և Թուրքիան շարունակում է ջանքերը՝ այն արդար և կայուն խաղաղության հիման վրա դադարեցնելու համար։
Նա հայտարարել է, որ Իսրայելի, ինչպես տարածաշրջանի բոլոր երկրների անվտանգությունը կախված է հարևանների կայունությունից, խաղաղությունից և բարգավաճումից։
«Իսրայելի և Իրանի միջև ռազմական սրացումը տարածաշրջանը դրել է շատ լուրջ ռիսկերի շեմին, Թուրքիան ճգնաժամի սկզբից ի վեր ակտիվորեն դիվանագիտական միջամտություն է ցուցաբերել։
Իրանի հետ տարաձայնությունների երկարաժամկետ լուծումը հնարավոր է դիվանագիտության և բանակցությունների միջոցով։ Տարածաշրջանում կան բազմաթիվ օրինակներ, որ պատերազմն ու ավերածությունները ոչնչի չեն հանգեցնում»,- եզրափակել է Էրդողանը։
