Հազարավոր ցուցարարներ հավաքվել են Թաիլանդի մայրաքաղաքում՝ պահանջելով վարչապետ Պետոնգտարն Շինավատրայի հրաժարականը։ Սա Կամպուչիայի նախկին վարչապետ Հուն Սենի հետ հեռախոսազրույցի արտահոսքի հետեւանքով առաջացած քաղաքական անկարգությունների մասն է կազմում, հաղորդել է Associated Press-ը։

Պետոնգտարնը բախվել է աճող դժգոհության Կամպուչիայի հետ վերջերս ծագած սահմանային վեճի կարգավորման հետ կապված, որը մայիսի 28-ին վերածվել է ռազմական բախման: Համեմատաբար ոչ մեծ վիճելի տարածքում զոհվել է մեկ կամպուչիացի զինվոր:

Հուն Սենի հետ ձայնագրված հեռախոսազրույցը շաբաթ օրվա ցույցերի առիթ է հանդիսացել եւ հանգեցրել է Թաիլանդում մի շարք հետաքննությունների, որոնք կարող են բերել Պետոնգտարնի հրաժարականին։

Զանգի շուրջ առաջացած վրդովմունքը հիմնականում պայմանավորված էր Պատոնգտարնի կողմից սեփական զինվորականների հասցեին ուղղված քննադատությամբ։