Հայտնի գործարար և բարերար Սամվել Կարապետյանի «գործը» իրավական աբսուրդի և քաղաքական հետապնդման օրինակ է: Այս մասին հուլիսի 2-ին մամուլի ասուլիսում հայտարարեց փաստաբան Արամ Վարդևանյանը:

Նա ընդգծեց, որ հետապնդման պատճառ դարձած հարցազրույցը արտացոլում էր Սամվել Կարապետյանի օբյեկտիվ մտահոգությունը եկեղեցու շուրջ ստեղծված իրավիճակի վերաբերյալ և նրա պատրաստակամությունը պաշտպանելու այն:

Ինչպես ընդգծեց փաստաբանը, ի տարբերություն այլ աղմկահարույց գործերի, այս մեկն ունի մի առանձնահատկություն՝ ընդհանրապես քրեական գործ չկա: «Նրանց մեղադրում են իշխանությունը զավթելու կոչ անելու մեջ, չնայած այն հանգամանքին, որ ընդհանրապես կոչ չկա: Սա իրավական աբսուրդ է», - հայտարարեց Արամ Վարդևանյանը:

Նա հիշեցրեց աբսուրդի ակունքները, մասնավորապես՝ կառավարության ղեկավարի հունիսի 17-ին Facebook-յան հրապարակումը և Սամվել Կարապետյանի հետ հաշիվները մաքրելու խոստումը: Ինչպես վստահեցրեց Վարդևանյանը, նման բան տեղի չի ունեցել ոչ մի եվրոպական երկրում, որտեղ իշխանությունները նույնպես ակտիվորեն օգտագործում են սոցիալական ցանցերը:

«Սրանք քաղաքական հետապնդման ուղղակի փաստեր են», - ընդգծեց փաստաբանը՝ հավելելով, որ իրավիճակի տարօրինակության մասին է վկայում նաև քննիչի միջնորդագրում «նախորդ իրադարձությունների» հիշատակումը, այսինքն՝ կաթողիկոսի հրաժարականի վերաբերյալ իշխանությունների դիրքորոշումը։

Վարդևանյանն ասաց, որ փաստաբանները բողոք են ներկայացրել, բայց երբ պարզվել է, որ այն մակագրվել է իշխանամետ դատավոր Արմեն Դանիելյանին, բողոքը հետ է վերցվել։ Չնայած Քրեական դատավարության օրենսգիրքը պահանջում է կարճել վարույթը, դատավորը ոչ միայն դա չի արել, այլև որոշման հրապարակման ամսաթիվ է նշանակել՝ հուլիսի 4-ը։ Քանի որ Դանիելյանն այժմ Ազգային ժողովում Վճռաբեկ դատարանի ներկայացուցչի թեկնածու է, և նրա ընտրությունը ամբողջությամբ կախված է ՔՊ–ից, պարզվում է, որ Դանիելյանի կարիերան կախված է իշխող կուսակցությունից։

Մեկ այլ աբսուրդ է այն, որ «հանցագործության» մասին հաղորդումը անձամբ ներկայացրել է գլխավոր դատախազը։ «Բայց ո՛չ մենք, ո՛չ էլ դատարանը դրա պատճենը չունենք։ Այն միայն քննիչի փաստաթղթերում է։ Հետաքրքիր է՝ այն ներկայացվել է սոցիալական ցանցում վերոնշյալ հրապարակումից առաջ, թե՞ հետո», - նշեց փաստաբանը։

Վարդևանյանը հիշեցրեց, որ հանցագործության բացակայության տեսանկյունից խափանման միջոց ընդհանրապես չպետք է ընտրվեր, սակայն, եթե խոսենք կոնկրետ միջին ծանրության մեղսագրվող արարքի մասին, ապա այստեղ նույնպես կալանքի տեսքով խափանման միջոցը անտեղի է և հաշվի առնելով Կարապետյանի հեղինակությունը և ՀՀ–ում նրա կողմից իրականացվող կես միլիարդ դոլարի մարդասիրական ծրագրերը։