Երևանի «Զվարթնոց» օդանավակայանում միանգամից 10 չվերթ է չեղարկվել և հետաձգվել, այդ թվում՝ «Աերոֆլոտ» ավիաընկերության չվերթը, այդ մասին վկայում են առցանց տեղեկատվական ցուցատախտակի տվյալները։

Երևանից չեն թռչի Մոսկվա («Աերոֆլոտ») և Կահիրե (Air Cairo) չվերթները, իսկ Երևան ժամանող չվերթները չեղարկվել են Մոսկվայից («Աերոֆլոտ»), Քյոլնից (FlyOne) և Կահիրեից (Air Cairo)։ Ուշացումով Երևան կժամանեն չվերթներ Մոսկվայից, Սանկտ Պետերբուրգից, Հուրգադայից (FlyOne), Եկատերինբուրգից (Ural Airlines) և Նովոսիբիրսկից (S7 Airlines)։

«Աերոֆլոտի» աշխատանքի խափանումների հիմնական պատճառը ընկերության տեղեկատվական համակարգերի տեխնիկական անսարքություններն են, որոնց մասին հայտնի է դարձել հուլիսի 28-ի առավոտյան։ Ավիաընկերությունը զգուշացրել է չվացուցակի փոփոխման պատճառով հնարավոր տեղափոխումների և չվերթների չեղարկումների մասին։ Ընդհանուր առմամբ չեղարկվել է 47 չվերթ։