նախընտրելի դարձնել
Գերմանիայի կառավարությունը դեմ է արտահայտվել Արևմտյան ափին նոր բնակավայրերի կառուցմանը և կոչ է արել Իսրայելին դադարեցնել այդ գործունեությունը։
«Բնակավայրերի կառուցումը խախտում է միջազգային իրավունքը և ՄԱԿ-ի Անվտանգության խորհրդի համապատասխան բանաձևերը», - հայտարարել է Գերմանիայի ԱԳՆ ներկայացուցիչը։ Նրա խոսքերը մեջբերում է DPA գործակալությունը։ «Սա դժվարացնում է երկու պետությունների հիման վրա դիվանագիտական լուծման հասնելը և Արևմտյան ափի իսրայելական օկուպացիան դադարեցնելը, ինչպես պահանջում է Միջազգային դատարանը», - հավելել է նա։ «Գերմանիայի կառավարությունը Իսրայելի կառավարությանը կոչ է անում դադարեցնել բնակավայրերի կառուցումը և ճանաչում է միայն 1967 թվականի հունիսի 4-ի դրությամբ սահմանների այն փոփոխությունները, որոնք համաձայնեցվել են հակամարտող կողմերի կողմից», - ընդգծել է Գերմանիայի արտաքին գործերի նախարարության ներկայացուցիչը։
Նա ասել է, որ Գերմանիայի կառավարությունը «միանշանակ մերժում է Իսրայելի կառավարության կողմից ցանկացած անեքսիայի ծրագիր»։
