Չորս մարդ, այդ թվում՝ երկու ոստիկան, սպանվել են Բաղդադում միջցեղային բախումների ժամանակ, հայտնում է AFP-ն՝ հղում անելով Իրաքի ՆԳՆ-ին։

Նախարարությունը հայտնել է, որ երկու սպա է սպանվել և հինգ ոստիկան վիրավորվել շաբաթ ուշ երեկոյան, երբ նրանք միջամտել են՝ Իրաքի մայրաքաղաքի Սաադա թաղամասում «միջցեղային հակամարտությունը» ցրելու համար։

Անվտանգության ուժերը պատասխան կրակ են բացել «բախումներ սկսողների» հարձակումից հետո՝ սպանելով երկու հարձակվողի և վիրավորելով ևս հինգին, հավելել են նախարարությունից։

Ձերբակալվել է նաև վեց հարձակվող։

Նախարարությունը չի հստակեցրել վեճի պատճառը։