Ռուսաստանի կառավարությունը ևս հինգ տարով երկարաձգել է Միխայիլ Պիոտրովսկու Էրմիտաժի տնօրենի պաշտոնավարման ժամկետը

ՌԴ վարչապետ Միխայիլ Միշուստինը կարգադրություն է ստորագրել Միխայիլ Պիոտրովսկիին Պետական Էրմիտաժի տնօրենի պաշտոնում հինգ տարի ժամկետով վերանշանակելու մասին։

Միխայիլ Պիոտրովսկին, ով այժմ 80 տարեկան է, Էրմիտաժում աշխատանքի է անցել 1991 թվականին՝ որպես գիտական աշխատանքների գծով փոխտնօրեն։ 1992-ին նա գլխավորել է թանգարանը։ Նրա հայրը՝ Բորիս Պիոտրովսկին, Էրմիտաժի տնօրենի պաշտոնը զբաղեցրել է 1964-1990 թվականներին։

ՌԴ կառավարությունը բազմիցս երկարաձգել է Միխայիլ Պիոտրովսկիի լիազորությունները Էրմիտաժի ղեկավարի պաշտոնում. նախորդ անգամ դա տեղի է ունեցել 2022 թվականի սեպտեմբերին։