Սիրիայի կրթության նախարարությունը հայտարարել է 2025/2026 ուսումնական տարվա ուսումնական ծրագրի փոփոխությունների մասին, որոնցով վերացվում են երկրի տապալված նախագահ Բաշար Ասադի և նրա խորհրդանիշների մասին բոլոր հիշատակումները, գրում է Al Arabiya-ն։

Նախարարության հրահանգով կարգադրվում է Ասադին վերաբերող նյութերը հեռացնել հասարակագիտությունից, իսլամական կրթությունից, պատմությունից և աշխարհագրությունից։ Այն միաժամանակ հիմնված է հունվարյան որոշման վրա, որով ընդմիշտ վերացվեց «ազգային կրթություն» առարկան։

Այս քայլերը լայնածավալ փոփոխությունների մի մասն են, որոնք նպատակ ունեն վերացնել «Բաաս» կուսակցությունը և Սիրիայում նախկին կառավարությունը։

Նախարարության տվյալներով՝ ազգային կրթությանը նախկինում հատկացված գնահատականները հավասարապես բաժանվել են պատմության և աշխարհագրության միջև, մինչդեռ միջնակարգ մակարդակում դրանց քանակը կրճատվել է։ Այդ քայլը պաշտոնյաների նշած «լայնածավալ վերանայման» մաս է կազմում, որը նպատակ ունի վերացնել «Բաաս»  կուսակցության և նրա նախկին ռեժիմի ազդեցությունը Սիրիայի կրթական համակարգում»։