Չեչնիայի ղեկավար Ռամզան Կադիրովը պարգևատրվել է Հյուսիսային Կովկասի մուսուլմանների համակարգող խորհրդի «Սուննայի պաշտպան» շքանշանով, հայտնել է Չեչնիայի կառավարության նախագահ Մագոմեդ Դաուդովն իր Telegram-ալիքում։

Ըստ նրա, պարգևը Կադիրովին շնորհվել է «Ալլահի առաքյալի Սուննայի պաշտպանության և ամրապնդման գործում անձնական նշանակալի ավանդի համար»։

Դաուդովը հավելել է, որ Չեչնիայի ղեկավարը «տարածաշրջանում արմատախիլ է արել միջազգային ահաբեկչությունն ու ծայրահեղականությունը, կառուցել գեղեցիկ մզկիթներ, իսլամական ուսումնական հաստատություններ»։