նախընտրելի դարձնել
Ֆրանսիայի իշխանությունները ձերբակալել են երկու տղամարդու՝ Փարիզի աշխարհահռչակ Լուվր թանգարանից վերջերս կատարված թանկարժեք զարդերի գողության գործով, հայտնել են գործին մոտ կանգնած երկու աղբյուր՝ հաստատելով տեղական լրատվամիջոցների հաղորդագրությունները։
Ֆրանսիական Le Parisien և Paris Match լրատվամիջոցների հաղորդմամբ, կասկածյալներից մեկը ձերբակալվել է շաբաթ օրը՝ տեղական ժամանակով ժամը 22:00-ին (Գրինվիչի ժամանակով՝ 20:00), Փարիզի Շառլ դը Գոլ օդանավակայանում, երբ պատրաստվում էր նստել արտասահման մեկնող ինքնաթիռ։ Երկրորդ կասկածյալը ձերբակալվել է դրանից քիչ անց՝ Փարիզի տարածաշրջանում, հայտնում է Le Parisien-ը։
Հիշեցնենք, որ Լուվրի հանդուգն կողոպուտը տեղի է ունեցել գրեթե մեկ շաբաթ առաջ։ Գողացվել են Բոնապարտների դինաստիայի կայսերական արժեքները։
