ՀԴԲ տնօրեն Քեշ Պատելն անցյալ շաբաթ այցելել է Չինաստան՝ քննարկելու համար ֆենտանիլի օգտագործումը և իրավապահ մարմինների աշխատանքը, հաղորդում է NBC News-ը՝ հղում անելով աղբյուրներին։

Նա ուրբաթ ժամանել է Պեկին, իսկ շաբաթ բանակցություններ վարել չինացի պաշտոնյաների հետ։

Անցյալ ամիս ԱՄՆ նախագահ Դոնալդ Թրամփի հետ բանակցությունների ժամանակ Չինաստանի նախագահ Սի Ծինպինը համաձայնել է ակտիվացնել Չինաստանի ջանքերը՝ ֆենտանիլի նախորդող քիմիական նյութերի մատակարարումը սահմանափակելու համար։

Փոխարենը Թրամփը չինական ֆենտանիլի հետ կապված ապրանքների մաքսատուրքերը 20%-ից իջեցրել է մինչև 10%-ի։

Երեկ Չինաստանը հայտարարեց 13 քիմիական ելանյութերի ԱՄՆ, Կանադա և Մեքսիկա արտահանման նոր սահմանափակումների մասին, որոնց թվում՝ սինթետիկ օփիոիդներ արտադրելու համար օգտագործվողների, որոնք ամեն տարի ԱՄՆ-ում չափաքանակի չարաշահումից տասնյակ հազարավոր մահերի պատճառ են դառնում։