Թրամփը կարող է նվազեցնել իր իսկ սահմանած մաքսատուրքերը՝ պարենամթերքի գների իջեցման համար. The New York Times

Երեք աղբյուրների տվյալներով՝ Թրամփի վարչակազմը պատրաստում է մաքսատուրքերի լայնածավալ  արտոնություններ՝ ամերիկացի սպառողներին անհանգստացնող պարենամթերքի բարձր գները նվազեցնելու համար, հաղորդում է The New York Times-ը։

Այս փոփոխությունը կվերաբերի նախագահի կողմից ապրիլին հայտարարված որոշ փոխադարձ մաքսատուրքերի, մասնավորապես՝ այն երկրներից ստացված ապրանքներին, որոնք առևտրային համաձայնագրեր չեն կնքել վարչակազմի հետ։

Նախատեսվում է, որ արտոնությունները կվերաբերեն տավարի մսին ​​և ցիտրուսին։

Եթե առաջարկը կյանքի կոչվի, սա ևս մեկ նահանջ կլինի տնտեսական հիմնական ոլորտներից մեկից։