Մեր երկրի ապագայի հարցում ես լավատես եմ երկու պատճառով։ Այս մասին ասել է «Միասնության թեւեր» քաղաքական նախաձեռնության ղեկավար Արման Թաթոյանն իր ամանորյա ուղերձում։
«Հայաստանում չկա որեւէ խնդիր, որը հնարավոր չլինի լուծել հենց Հայաստանի ուժերով։ Երկրորդ, Հայաստանի երիտասարդ սերունդն է, որ մեզ կտանի խաղաղ, բարեկեցիկ եւ ժողովրդավար Հայաստան, դեպի մեր նախնիների հավաքական երազանքը։ Վստահ եմ՝ ապագան մեր ազգինն ու ժողովրդինն են։ Մեր պատմությունը տեսել է բռնակալներ, որոնք փորձել են ոչնչացնել մեր ժողովրդին եւ պետությանը եւ ամեն անգամ ձախողել են, այս անգամ էլ են ձախողելու։ Նոր տարվա շեմին կենտրոնանանք ամենակարեւորի վրա՝ կառուցել քաղաքականություն, որտեղ կլինեն միայն մրցակիցներ, ոչ թե թշնամիներ, կառուցել խաղաղություն ուժի եւ մեր նպատակների միասնության շնորհիվ»,– ասել է Թաթոյանը։
Մանրամասները՝ տեսանյութում։