Թուրքիայում ԱՄՆ դեսպան և Սիրիայի հարցերով հատուկ դեսպան Թոմ Բարաքը հայտարարել է, որ «Սիրիայի դեմոկրատական ​​ուժեր» կազմակերպության առաքելությունն ավարտված է։ Դիվանագետն ընդգծել է, որ հետևաբար առանձին ռազմաքաղաքական կազմավորման անհրաժեշտությունը վերացել է, հաղորդում են թուրքական լրատվամիջոցները։

«ՍԴՈւ-ի (Սիրիայի դեմոկրատական ուժեր)՝ որպես տեղերում ԻԼԻՊ-ի դեմ պայքարող հիմնական ուժի սկզբնական նպատակը հիմնականում կորցրել է իր արդիականությունը, քանի որ Դամասկոսն այժմ պատրաստ է և ունակ է ստանձնել անվտանգության ապահովման պարտականությունները։ ԱՄՆ-ն շահագրգռված չէ Սիրիայում երկարաժամկետ ռազմական ներկայությամբ. նրանք առաջնահերթություն են տալիս ԻԼԻՊ-ի մնացորդների ոչնչացմանը, հաշտեցմանն աջակցելուն և ազգային միասնության ամրապնդմանը՝ չսատարելով անջատողականությանը կամ ֆեդերալիզմին», - հայտարարել է Բարակը։

Դիվանագետի խոսքով՝ սա եզակի հնարավորություն է ստեղծում քրդերի համար. նոր սիրիական պետությանը ինտեգրումը թույլ կտա լիարժեք քաղաքացիական իրավունքներ, ճանաչում՝ որպես Սիրիայի անբաժանելի մաս, քրդերեն լեզվի ու մշակույթի սահմանադրական պաշտպանություն և լիարժեք մասնակցություն պետական կառավարման համակարգին։