Նախընտրելի
Ամերիկյան F-22 գաղտնի կործանիչները, որոնք այսօր ավելի վաղ մեկնել էին Մեծ Բրիտանիայից, տեղակայված են Իսրայելի հարավում՝ իսրայելական ռազմաօդային ուժերի բազայում՝ Մերձավոր Արևելքում ԱՄՆ ռազմական ուժերի մեծ կուտակման շրջանակում, հաղորդում է Times of Israel-ը։
Ընդհանուր առմամբ 12 F-22 կործանիչներ նկատվել են Անգլիայից՝ Լեյքենհիթի թագավորական ռազմաօդային ուժերի ավիաբազայից թռիչք կատարելիս, թեև դրանցից մեկը, ըստ տեղեկությունների, ավիաբազա է վերադարձել տեխնիկական խնդրի պատճառով։
Գաղտնի կործանիչները Լեյքենհիթ են ժամանել անցյալ շաբաթ և այնտեղ մնացել մի քանի օր՝ դրանց ուղեկցող տանկերների հետ կապված խնդիրների պատճառով։
Ինքնաթիռների՝ Մերձավոր Արևելքում տեղակայումը տեղի է ունենում այն ժամանակ, երբ ԱՄՆ նախագահ Դոնալդ Թրամփը քննարկում է Իրանի դեմ ռազմական գործողություններ ձեռնարկելու հարցը։ Վերջին օրերի ռազմական և կառավարական թռիչքների ակտիվությունը պարբերաբար վերլուծող մոտ 30 վերլուծաբաններից բաղկացած թիմը՝ Military Air Tracking Alliance-ը, Մերձավոր Արևելք ուղևորվող տասնյակ կործանիչներ է նկատել, որոնց թվում՝ F-35, F-22, F-15 և F-16 կործանիչները:
