Նախընտրելի
ԱՄՆ Կենտրոնական հետախուզական վարչությունը (ԿՀՎ) 2023 թվականին գաղտնի զգուշացրել է Apple-ին, Nvidia-ին և AMD-ին, որ Չինաստանը մինչև 2027 թվականը կարող է ներխուժել Թայվան, գրում է The New York Times պարբերականը:
Հոդվածում նշվում է, որ նախազգուշացումը Սպիտակ տան վերջին երկու վարչակազմերի՝ Սիլիկոնյան հովտին Թայվանում չիպերի արտադրությունից հրաժարվել ստիպելու արշավի մի մասն էր: Ըստ պարբերականի՝ ամերիկացի պաշտոնյաները հրապարակավ հայտարարել են, որ դա ազգային անվտանգության սպառնալիք են համարում:
Դեկտեմբերին Միացյալ Նահանգները հաստատել է Թայվանին 11,15 միլիարդ դոլարի զենքի վաճառքը, որը կղզու հետ կնքված խոշորագույն գործարքներից մեկն է՝ Չինաստանից աճող սպառնալիքների ֆոնին:
Հունվարին հայտարարվեց, որ ԱՄՆ-ը կնվազեցնի Թայվանից ներմուծվող կիսահաղորդիչների սակագները, ինչպես նաև ԱՄՆ շուկա ներմուծվող մյուս ապրանքների մեծ մասի ընդհանուր սակագները կնվազեցնի՝ 20 տոկոսից հասցնելով 15 տոկոսի: Դրա դիմաց թայվանական ընկերությունները 250 միլիարդ դոլար կներդնեն ԱՄՆ-ում կիսահաղորդիչների, էներգիայի և արհեստական բանականության արտադրության ընդլայնման մեջ:
