Mehr լրատվական գործակալությունը հրապարակել է այն նստավայրի լուսանկարները, որտեղ սպանվել է Իրանի գերագույն առաջնորդ այաթոլլա Ալի Սեյեդ Խամենեին:

Այսօր առավոտյան իրանական լրատվամիջոցները հայտնել են, որ Իրանի գերագույն առաջնորդ այաթոլլա Ալի Խամենեին սպանվել է իր նստավայրում՝ աշխատավայրում։

Սպանության պահին նա գտնվել է իր գրասենյակում՝ ծառայողական պարտականությունները կատարելիս, իսկ բուն հանցագործությունը տեղի է ունեցել շաբաթ օրը՝ փետրվարի 28-ի վաղ առավոտյան։

Ինչպես նշում է գործակալությունը, լրատվամիջոցները բազմիցս տարածել են հայտարարություններ այն մասին, թե Խամենեին իբր անվտանգության նկատառումներով թաքնվում է գաղտնի և լավ պահպանվող վայրում։

«Նրա սպանությունն աշխատավայրում կրկին հերքեց այդ պնդումները և թշնամու հոգեբանական պատերազմը՝ ցույց տալով, որ նա միշտ եղել է ժողովրդի մեջ և իր դիրքում»,— ասված է հաղորդագրության մեջ։

Իրենց հերթին ամերիկյան լրատվամիջոցները հայտնել են, որ Խամենեիի սպանությունը մանրակրկիտ պլանավորել էր ԿՀՎ-ն։