Նախընտրելի
«Եթե մեր նավահանգիստներն ու նավամատույցները սպառնալիքի տակ լինեն, տարածաշրջանի բոլոր նավահանգիստներն ու նավամատույցները կդառնան մեր օրինական թիրախները»,- պետական հեռուստատեսության հաղորդմամբ ասել է Զինված ուժերի խոսնակ Աբոլֆազլ Շեքարչին։
Նա զգուշացրել է, որ զինված ուժերն ավելի լայնածավալ գործողություն կանցկացնեն, քան նախկինում, եթե իրանական նավահանգիստները հարձակման ենթարկվեն։
«Մենք տարածաշրջանային երկրներին կոչ ենք անում իրենց տարածքներից վտարել ամերիկացիներին»,- հավելել է նա։
Ավելի վաղ ԱՄՆ կենտրոնական հրամանատարությունը (CENTCOM) նախազգուշացում էր տարածել՝ քաղաքացիներին կոչ անելով հեռու մնալ Հորմուզի նեղուցին մոտ նավահանգիստներից, Պարսից ծոցի և Օմանի միջև ռազմավարական նշանակության նեղ հատվածից։
«Նավահանգստի աշխատողները, վարչական անձնակազմը և առևտրային նավերի անձնակազմը պետք է խուսափեն իրանական ռազմածովային նավերից և ռազմական տեխնիկայից»,- ասվում է հայտարարության մեջ։
Զգուշացման մեջ նշվում է, որ նեղուցի երկայնքով գործող նավահանգիստները, ներառյալ՝ քաղաքացիականները, այժմ համարվում են օրինական ռազմական թիրախներ միջազգային իրավունքի համաձայն, քանի որ դրանք օգտագործվում են Իսլամական հեղափոխության պահապանների կորպուսի (ԻՀՊԿ) կողմից Իրանի դեմ ամերիկաիսրայելյան շարունակվող պատերազմում։
