ՆախընտրելիՃապոնիայում այս տարվա ձմռանը տեղացող ձյան պատճառով արդեն 103 մարդ զոհվել է: Մահացու դեպքերի ճնշող մեծամասնությունը տեղի է ունեցել տան տանիքների ձյունը մաքրելիս, հաղորդում են տեղական իշխանությունները:
Միայնակ տարեց մարդիկ ստիպված են լինում իրենք մաքրել տանիքները, ինչը հանգեցնում է ողբերգական պատահարների:
Զոհվածների կեսից ավելին` 67 մարդ, 65 տարեկանից բարձր թոշակառուներ են:
Հունվարի վերջին եւ փետրվարի սկզբին Ճապոնիայում ռեկորդային չափով ձյան տեղումներ են գրանցվել: Որոշ շրջաններում ձյան ծածկույթի բարձրությունը հասել է 1,5-ից 3 մետրի. Այն երկու-երեք անգամ գերազանցել է ձյան տեղումների նորման:
Փետրվարի 16-ից Ճապոնիայի արեւմտյան ափերին ուժեղ ձյուն է տեղում: Օդերեւութաբանների կանխատեսմամբ` երկու օրում Նիիգատա պրեֆեկտուրայում կարող են 70 – 90 սմ բարձրությամբ տեղումներ գրանցվել, գրում է «ՌԻԱ Նովոստին»:
