Վարչապետ Նիկոլ Փաշինյանի որոշմամբ Սփյուռքի գործերի գլխավոր հանձնակատար Զարեհ Ջոն Սինանյանը և նույն գրասենյակի սփյուռքի ներուժի քարտեզագրման և ներգրավման վարչության պետ Կարեն Ավանեսյանը գործուղվում են Լյուքսեմբուրգ և Ֆրանսիա։

Որոշման մեջ ասվում է. «Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասով, «Քաղաքացիական ծառայության մասին» օրենքի 16-րդ հոդվածի 3-րդ մասով, 29-րդ հոդվածով և հիմք ընդունելով վարչապետի 2018 թվականի սեպտեմբերի 19-ի N 1230-Ն և կառավարության 2018 թվականի նոյեմբերի 8-ի N 1239-Ն որոշումները՝

  1. Սփյուռքի գործերի գլխավոր հանձնակատար Զարեհ Ջոն Սինանյանին և Սփյուռքի գործերի գլխավոր հանձնակատարի գրասենյակի սփյուռքի ներուժի քարտեզագրման և ներգրավման վարչության պետ Կարեն Ավանեսյանին 2026 թվականի ապրիլի 20-30-ը ներառյալ գործուղել Լյուքսեմբուրգի Մեծ Դքսություն (Լյուքսեմբուրգ՝ ապրիլի 20-ին) և Ֆրանսիայի Հանրապետություն (Մեց` ապրիլի 20-24-ը, Ժյոֆ՝ ապրիլի 21-ին և ապրիլի 22-ին, Ֆորբախ՝ ապրիլի 23-ին, Ավինյոն՝ ապրիլի 24-26-ը, Մարսել՝ ապրիլի 26-27-ը, Նիցցա` ապրիլի 27-30-ը)՝ հայ մշակութային և հիշատակի միջոցառումներին մասնակցելու, հայկական կազմակերպությունների, ինչպես նաև կրթամշակութային և գործարար ոլորտներում հայազգի գործիչների հետ 2 հանդիպումներ անցկացնելու և հետագա համագործակցության հնարավոր ուղղությունները քննարկելու նպատակով։
  2. Զարեհ Ջոն Սինանյանի և Կարեն Ավանեսյանի՝ Լյուքսեմբուրգի Մեծ Դքսություն և Ֆրանսիայի Հանրապետություն գործուղման հետ կապված ծախսերը կատարել Հայաստանի Հանրապետության 2026 թվականի պետական բյուջեով Հայաստանի Հանրապետության վարչապետի աշխատակազմի «Հայաստան-Սփյուռք գործակցության» ծրագրի «Աշխատանք սփյուռքի համայնքներում» միջոցառման արտասահմանյան պաշտոնական գործուղումների համար նախատեսված միջոցների հաշվին:
  3. Սփյուռքի գործերի գլխավոր հանձնակատարին՝ ապահովել գործուղումից վերադառնալուց հետո երեք աշխատանքային օրվա ընթացքում օրենսդրությամբ նախատեսված հաշվետվությունները Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը: