նախընտրելի դարձնել
Ճապոնիան նոր անվանում է սահմանել 40°C կամ ավելի բարձր ջերմաստիճան ունեցող օրերի համար։ Որոշումը կայացվել է նախորդ տարվա ռեկորդային շոգ ամռանից հետո, հայտնում է BBC News-ը։
Ճապոնական և միջազգային լրատվամիջոցները նոր տերմինը՝ «կոկուսոբի»-ն, թարգմանել են որպես «անհավանական շոգ», «դաժան տապ» կամ «չափազանց շոգ օր»։
Ազգային առցանց հարցման արդյունքում հենց այս տարբերակն է դարձել ամենապոպուլյարը, իսկ երկրորդ տեղը զբաղեցրել է «օր, երբ շատ շոգ էր» ձևակերպումը։
Ինչպես հայտնում է Japan Times պարբերականը, Ճապոնիայի օդերևութաբանական գործակալության (JMA) ներկայացրած նկարագրության մեջ օգտագործվում է «կոկու» բառը, որը նշանակում է «դաժան» կամ «դաժանաբար սաստիկ»։
Հարցումն անցկացվել է փետրվարին և մարտին՝ հավաքելով շուրջ 478,000 պատասխան։ Մարդիկ ընտրություն են կատարել առաջարկված 13 տարբերակներից։ Նշենք, որ Ճապոնիայում արդեն իսկ գոյություն ունեն հատուկ տերմիններ 25°C, 30°C և 35°C-ից բարձր ջերմաստիճան ունեցող օրերի համար։
