նախընտրելի դարձնելԱԱԽ քարտուղար Արթուր Բաղդասարյանն այսօր` մարտի 1-ին, ընդունել է Միավորված ազգերի փախստականների հարցերով գերագույն հանձնակատարի հայաստանյան գրասենյակի ներկայացուցիչ Դամթյու Դեսալեին եւ քննարկել փախստականների խնդիրներին վերաբերող հարցեր:
ԱԱԽ մամուլի ծառայությունից NEWS.am-ին հայտնում են, որ հանդիպման ժամանակ կողմերն ընդգծել են փախստականների իրավունքների պաշտպանության եւ սոցիալական պաշտպանվածության կարեւորությունը:
ԱԱԽ քարտուղար Արթուր Բաղդասարյանն ընդգծել է հասարակության տնտեսական, սոցիալական եւ մշակութային կյանքում փախստականների ինտեգրման խթանման անհրաժեշտությունը:
Դամթյու Դեսալեն ներկայացրել է ՄԱԿ-ի փախստականների հարցերով գերագույն հանձնակատարի հայաստանյան գրասենյակի գործունեության ուղղությունները:
Հանդիպման ընթացքում քննարկվել է միջազգային եւ տարածաշրջանային զարգացումներին վերաբերող հարցերի լայն շրջանակ:
