Պրահայի տրանսպորտում հղի կանանց հատուկ կրծքանշաններ են բաժանելու: Քաղաքային իշխանությունները մտածել են, թե ինչպես թեթեւացնել հղի կանանց տեղաշարժը քաղաքում:
Նշվում է, որ մարդիկ ավելի ու ավելի հազվադեպ են տեղ զիջում հասարակական տրանսպորտում: Պրահայի տրանսպորտի վարչությունը ցանկանում է հղի կանանց կրծքանշաններ բաժանել, որոնք կօգնեն ուղեւորներին զանազանել ապագա մորը գեր կնոջից, հաղորդում է «Ռոսբալտը»՝ վկայակոչելով Euromag-ը:
Նշենք, որ նմանատիպ ձեւով արդեն իրավիճակը կարգավորել են, օրինակ Լոնդոնում:
Պրահայի քաղաքացիներին հնարավորություն են տվել հարցաթերթիկի միջոցով իրենց կարծիքը հայտնել այդ գաղափարի վերաբերյալ: Վերջնական որոշումը կկայացվի հարցման արդյունքներն ամփոփելուց հետո:
