Ավստրալիայի Նոր Հարավային Ուելս նահանգի վարչապետ Բարրի Օ’Ֆարելի հրաժարականից հետո այդ պաշտոնի համար նշվում է երկու թեկնածուների անուններ՝ գանձապետ Մայք Բերդի եւ տրանսպորտի նախարար Գլեդիս Բերեջիկլյանի անունները: Այս մասին գրում է «The Canberra Times»-ը:
Այս փուլում գենզապահ Մայք Բերդը համարվում է գլխավոր հավակնորդը: Լինելով ձախ խմբակցության անդամ, նա վայելում է շատ աջերի աջակցությունը՝ շնորհիվ պետական ակտիվների մասնավորեցման հարցում իր դիրքորոշման:
Հարցն այն է, թե արդյոք տրանսպորտի նախարար Գլեդիս Բերեջիկլյանը կառաջադրի՞ իր թեկնածությունը: Համարվում է, որ նա միշտ վայելել է Բարրի Օ’Ֆարելի բարեհաճությունը: Նա իր գործընկերներին ասել է, որ դեռ պետք է որոշում կայացնի:
Նշենք, որ Գլեդիս Բերեջիկլյանը, որը հիմա 43 տարեկան է, մեծացել է Սիդնեյի ափերին:
Ավելի վաղ NEWS.am-ը հայտնել էր, որ Ավստրալիայի Նոր Հարավային Ուելս նահանգի վարչապետ Բարրի Օ’Ֆարելը հայտարարել էր իր հրաժարականի մասին, որի պատճառը կոռուպցիոն սկանդալն էր:
