NEWS.am-ին հայտնի է դարձել, որ երեկ՝ դեկտեմբերի 14-ին, առավոտյան Աբովյան քաղաքում երիտասարդի դիակ է հայտնաբերվել: Քաղաքացիները «Անմար կրակ» հուշարձանի մոտ նկատել են դին ու ահազանգել համապատասխան մարմիններին: Պարզվել է՝ նա Աբովյանի բնակիչ է, 25 տարեկան: Երիտասարդը ապրում էր հանրակացարանում:
Նախնական տեղեկություններով` դիակի վրա բռնության հետքեր չեն հայտնաբերվել: Մահվան պատճառը դեռ հայտնի չէ: Ոստիկանությունից NEWS.am-ի հետ զրույցում հայտնել են, որ նշանակվել է դատաբժշկական փորձաքննություն, կատարվում է քննություն: Հայտնիէ դարձել նաեւ, որ նա նախկինում դատապարտված է եղել ազատազրկման: