Տավուշի մարզում օգոստոսի 23-ին գազալցակայանում վիրավորված 49-ամյա Հրաչ Եսայանը տեղափոխվել է նեյրովիրաբուժական բաժանմունք: Այս մասին NEWS.am-ի թղթակցին հայտնեցին «Արմենիա» բժշկական կենտրոնից:
Նրանց փոխանցմամբ՝ Եսայանի վիճակը կայուն է: Նշենք, որ տղամարդն ուներ ուղեղի ծանր ցնցում եւ մանր տրավմաներ:
Ավելի վաղ ՏԿԱԻՆ մամուլի ծառայությունը հայտնել էր, որ 2015թ. օգոստոսի 23-ին ժամը 20.15-ի սահմաններում Տավուշի մարզի Նորաշեն գյուղի գազալցակայանում տեղի ունեցած պայթյունի հետեւանքով վիրավորվել է 49-ամյա Հրաչ Եսայանը:
Ժամեր անց, սակայն, Քննչական կոմիտեն հաղորդագրություն էր տարածել՝ հայտնելով, որ տղամարդը վիրավորումը ստացել է գազի բալոնի փականի տեղահանվելու հետեւանքով:
Դեպքի առթիվ հարուցվել է քրեական գործ Քրեական օրենսգրքի 279-րդ հոդվածի 1-ին մասի հատկանիշներով: