Գիտնականները հանգել են եզրակացության, որ երազ կարող են տեսնել եւ հիշել միայն այն մարդիկ, ովքեր ինտելեկտուալ բարձր մակարդակ ունեն: Այս մասին գրում է ladyportal.info-ն: Ընդ որում, որքան բարձր է մարդու ինտելեկտը, այնքան վառ եւ գունավոր երազներ է նա տեսնում:
Մասնագետներն ավելի քան 2.000 կամավորի մասնակցությամբ փորձ են անցկացրել: Արդյունքում պարզվել է, որ փորձի մասնակիցների մեծ մասը չի կարողացել հիշել երազները, իսկ ոմանք ընդհանրապես երազ չեն տեսել:
Ոմանք էլ կարողացել են ամենայն մանրամասնությամբ պատմել երազները: Նրանք նաեւ նշել են, որ կանոնավոր կերպով երազ են տեսնում:
Գիտնականների կարծիքով, եթե մարդը մտավոր առումով զարգացած չէ, հազվադեպ է երազ տեսնում, քանի որ քնած ժամանակ ուղեղը նույնպես քնում է: Սա հաստատում են նաեւ ինտելեկտուալ թեստերը, որոնք լավագույն կերպով են անցել երազ տեսնող եւ դրանք պատմող կամավորները:
