NEWS.am-ին հայտնի են դարձել նոյեմբերի 16-ին, Կոտայքի մարզում հնչած կրակոցներից մահացած երեք անձանց ինքնությունները: Մեր տեղեկութուններով՝ մահացածներից մեկը 27-ամյա երիտասարդ է Արմեն անունով, մյուսները եղբայրներն են՝ 25-ամյա Վարդան Գալստյանը եւ 35-ամյա Վահե Գալստյանը:
Գալստյանները Հարզդանում ժամանակին հայտնի գործարար Ֆրունզ Գալստյանի որդիներն են։
Նրանք բոլորը Հրազդանի բնակիչներ են: Անհայտ անձինք նրանց մեքենայի ուղղությամբ կրակել են ինքնաձիգից:
Ավելի վաղ NEWS.am-ը հայտնել էր, որ Հանքավանի «Տաք ջուր» կոչվող վայրում կրակել են մեքենայի ուղղությամբ, ինչի հետեւանքով երեք տղամարդ է մահացել՝ երկուսը տեղում, մեկը՝ հիվանդանոցի ճանապարհին: Դեպքի առթիվ քրեական գործ է հարուցվել: Քննություն է տարվում՝ հանգամանքները պարզելու համար: