Արցախա-ադրբեջանական շփման գծում ապրիլի 25-ի լույս 26-ի գիշերը զոհված 44-ամյա Արամ Առուշանյանը Արցախի Մարտակերտ շրջանի Հաթերք գյուղից է: NEWS.am-ի հետ զրույցում Հաթերքի գյուղապետ Ռադիկ Գրիգորյանը նշեց, որ Արամ Առուշանյանը պահեստազորի սպա էր, արդեն երկար ժամանակ է ծառայում էր բանակում:
«Ամուսնացած է, ունի 4 երեխա՝ երկու աղջիկ, երկու տղա: Նա արդեն 3 տարի է ընտանիքի հետ ապրում էր Մարտակերտում»,-ասաց գյուղապետը:
Նշենք, որ Արամ Առուշանյանին հուղարկավորել են Հաթերքի գերեզմանատանը՝ զինվորական կարգով: