Հայաստանում մայիսի 24-26—ը կկայանա ՀԱՊԿ անդամ երկրների ներքին գործերի մարմինների ստորաբաժանումների (ՀԱՊԿ օպերատիվ արձագանքման հավաքական ուժերի հատուկ նշանակության ուժերի միավորման կազմում) «Կոբալտ 2016» համատեղ վարժանքները։
Վարժանքները կընթանան Հայաստան ՊՆ «Բաղրամյան» ուսումնական կենտրոնում։ Վարժանքների ընթացքին կհետեւի ՀԱՊԿ գլխավոր քարտուղար Նիկոլայ Բորդյուժան։
Զորավարժությունների ընթացքում մշակվելու է ՀԱՊԿ անդամ երկրների պայմանական տարածքում ահաբեկչական խմբերի գործունեության կանխման, զենքի, պայթուցիկ նյութերի եւ թմրանյութերի ապօրինի վաճառքի խափանման համատեղ գործողությունների անցկացման կարգը։
ՀԱՊԿ պաշտոնական կայքում ասվում է, որ վարժանքներին մասնակցելու են Բելառուսի, Ղազախստանի, Ղրղզստանի, Ռուսաստանի, Տաջիկստանի ներքին զորքերի ստորաբաժանումները։
